Nor gara

Antolatzen du

SEADen LAGUNEN ELKARTEA

Arabako SEADen (Saharako Errepublika Arabiar Demokratikoa) Lagunen Elkartea gobernuz kanpoko erakundea da, Saharar Herriari laguntzeko, elkartasunaren eta giza eskubideen eremuan lan egiten duena. 1980ko hamarkadaren erdialdean izan zuen jatorria, autodeterminazioaren aldeko borrokan Saharar Herriari laguntzeko lan egiten hasi zenean. Horretarako, Arabako biztanleak sentsibilizatu zituen, Saharar Herriarentzako errefuxiatzeak eta beren lurraldearen okupazioak dituzten ondorioen eta kausen berri emanez. Gaur egun, XXI. menden, Afrikako azken kolonia da.

Gure xedea da Mendebaldeko Saharako herriak autodeterminaziorako eskubide legitimoa erabiltzea, eta, erreferendum baten bidez, herrialdearen etorkizuna erabakitzea; Nazio Batuen ebazpenek xedatzen dutenez.

Hala ere, aldaketa sozialerako lan egiten dugun sareen eta elkarteen mugimendu zabal baten parte sentitzen gara. Herritar kontziente eta konprometituen alde jotzen dugu, eta, horretarako, hobeto ezagutzen dugun errealitatetik lan egiten dugu, Mendebaldeko Saharatik. Gizartearen eraldaketarekin eta mundu hobea, bidezkoagoa, berdinagoa eta baketsua bilatzeko konpromisoa hartu dugun eragileak gara, halabeharrez.

www.saharaelkartea.org

Laguntzen dute

KHP (Kaleko Hezkuntza Programa)

Kaleko hezitzaileek, gizarte-langileekin eta psikologoekin batera, Oinarrizko Gizarte Zerbitzuetako taldeen parte dira. Beren lana egiten dute haurrak eta gazteak dauden tokietan, udalerriko inguru guztietatik banatzen diren hezkuntza-bikoteetan.

Beren ekintza haurrei eta gazteei zuzentzen zaie, zehazki, integrazio sozialerako zailtasunak dituztenei, ingurune sozialean eta familiakoan eta ingurunearekin duten harremanean ere bai.

Haurrekin eta gazteekin harreman zuzena izatea beren ingurunean ekintzaren elementu nagusia da. Hiriko Oinarrizko Gizarte Zerbitzuak banatzen diren gune guztietan lan egiten dute hezitzaile horiek. Hasiera batean, jarduera horiek ez dute plangintzarik, hezitzaileak berak garatzen baititu harremanerako eta esku hartzeko modu indibidualizatuak. gizabanakoen eta familien planoan egiten dituzte ekintzak, bai eta taldearen eta komunitatearen ikuspegitik ere.

www.kalezkalevg.org

ALIMENTANDO SONRISAS SAHARAUIS ELKARTEA

Alimentando Sonrisas Saharauis elkarte soziala eta humanitarioa da, esparru sozialeko profesionalez osatua. Tindoufeko saharar errefuxiatuen kanpamentuetan eta Vitoria-Gasteizen jarduten du, nagusiki. Elkarteari esker, laguntzeaz gain, aukera dugu orain arte ia ezezaguna zen errealitate batera gerturatzeko, isildu zituztenei ahotsa emateko, orain inoiz baino gehiago behar baitute gure elkartasuna.

Gure misioa Tindoufeko (Algeria) saharar kanpamentuetako errefuxiatuen bizi-kalitatea hobetzean datza, zenbait proiekturen bidez. Horrez gain, saharar herriaren errealitate soziala, historikoa eta kulturala ezagutarazi eta haren gain kontzientziatu nahi dugu.

alimentandosonrisassaharauis.webnode.es

KIROLAREN FEDERAZIO SAHARARRA

Kirolaren Federazio Sahararra (KFS) irabazi asmorik gabeko erakundea da, Saharako Errepublika Arabiar Demokratikoaren (SEAD) Lurralde Okupatuen eta Diasporaren ministerioarekin eta Gazteen eta Kirolaren ministerioarekin batera aritzen dena. 2020ko abenduan sortu zen, diasporako saharar kolektiboa kirolean parte hartuz, aitorpen soziala eta hezkuntzako bultzatzeko xedez.

Gure xedea da KFSren nortasuna osatzen duten balioak betetzen direla ziurtatzea da, gizartea hobetzeko ekarpena egiten dutelako:

  • Pertsona guztiak eta beren berezitasunak (generokoak, balio pertsonalak, sinesmenak eta dibertsitate funtzionala) ERRESPETATZEA eta ONARTZEA, bai eta gizarte-aldaketetara egokitzea ere.
  • Saharar errefuxiatuenganako ELKARTASUNA (duela 45 urtetik erbestean daudenak).
  • Kirolarekiko KONPROMISOA eta parte-hartzaileekin LANKIDETZAN ARITZEA, jolasteko eta lehiatzeko, betiere fair play-ren arauak errespetatuz.
federacionsaharauidedeportes.com

KOLHORMAK

Kolhormak artea da, hormak apaindu nahi dituzten enpresentzako eta pertsonentzako artea. Hainbat arrazoi egon daitezke: zure enpresari ikusgarritasuna ematea, zure enpresaren helburuak transmititzea, egin zenuen edo egin nahi duzun bidaia ahaztezina irudikatzea, etab.

Espazioak estetikoki hobetzeak jendearen gogo-aldartea hobetzen duela egiaztatu da, eta horren alde jotzen du Kolhormakek. Ekarpen handia egin diezaiokegu pertsonen bizi-kalitateari, hoberen egiten dugunaren bitartez: arte urbanoa.

Bi artista grafiti-egile gara, eta, gure hiriko, Vitoria-Gasteizko, hormak hainbat urtez kolorez bete eta gero, erabaki dugu beste abentura bati ekingo diogula: enpresa formalizatuko dugu, zerbitzu hobea, pertsonalizatuagoa eta gertuagokoa emateko.

www.kolhormak.com

UJSARIO

Saguia el Hamra eta Río de Oroko Gazteen Batasuna (UJSARIO) gazteen masa-erakunde politiko, sozial eta kulturala da, kongresu bat, idazkari nagusi bat, kontseilu nazional bat eta buro exekutibo bat dituena, eskualdeko buroak Wilaya bakoitzean eta tokiko buroak daira bakoitzean. Helburua da gazteei zubi bat erraztea, politikoki, kulturalki eta sozialki parte har dezaten saharar gizartearen onurarako. Bere egituraren bidez, honako hauetarako lan egiten du:

  • gazteen hedabideetan borondatezko lana sustatzea.
  • hitzaldiak eta topaketak antolatzea, garrantzi handiko gaiei buruz argi eta garbi eztabaidatzeko, hala nola erlijioari, politikari eta gizarteari buruz.
  • gazteak hainbat esparru sozial eta politikotan prestatzea.

SAP

SAP saharar baseko boluntarioen erakundea da, eta Aljeriako hego-mendebaldeko saharar errefuxiatu-esparruetan du egoitza. Arpilatzearen aurkako Saharako Kanpaina (SCAP) oinarri hartuta hasi zuen bere bidea. Kanpaina hori 2015eko otsailean abiarazi zuten ekintzaile saharar askok, hainbat erakunde eta boluntario talderen izenean. Gure aldarrikapena honako hau da: Herriaren onespena Mendebaldeko Sahararen baliabideen onuraren gainetik dagoe, subiranotasuna, gure ustez, herriarena bakarrik delako.

ANTOLATZEN DU

FINANTZEN DU

Lege oharra · Datu pertsonalak babesteko politika · Cookien politika